Չինաստանում տեղի ունեցած երկրաշարժի հետեւանքով կան տուժածներ
ԵՐԵՎԱՆ, 10 ՕԳՈՍՏՈՍԻ, ԱՐՄԵՆՊՐԵՍ: Առնվազն ութ մարդ Է տուժել Չինաստանի Յուննան հարավարեւմտյան նահանգում տեղի ունեցած երկրաշարժի հետեւանքով, նրանց կյանքին վտանգ չի սպառնում, տեղեկացնում Է «Արմենպրես»-ը:
5,0 մագնիտուդով երկրաշարժի Էպիկենտրոնը գտնվում Էր Յուննանի նահանգի Յույսի քաղաքից (2,3 մլն բնակիչ) 30 կմ հարավ-արեւելք ընկած շրջանում, իսկ օջախը Տունխայ գավառում՝ 7 կմ խորության վրա: Սկզբնապես հաղորդվել Էր, որ տուժել Է միայն մեկ մարդ:
Սեյսմոլոգները տարբեր մագնիտուդի ավելի քան 120 հետցնցում են գրանցել: Առավել շատ տուժած Յույսի քաղաքում ավերվել են հարյուրավոր շնքեր, դրանցից շատերում ճեղքվածքներ են գոյացել: Շրջանների մի մասում խափանվել Է Էլեկտրամատակարարումը, քաղաքի փողոցներում կան վնասված ավտոմեքենաներ:
Փրկարարական աշխատանքները շարունակվում են, հրշեջները հավաքում են փլատակները, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում