1000х90.jpg (78 KB)

Երևանում՝ 11:07,   28 Մարտ 2024

Փոխզիջում չի լինելու, փայտային մաֆիայի գործունեությունը չի կարող շարունակվել․ վարչապետ

Փոխզիջում չի լինելու, փայտային մաֆիայի գործունեությունը չի կարող շարունակվել․ վարչապետ

ԴԻԼԻՋԱՆ, 11 ՕԳՈՍՏՈՍԻ, ԱՐՄԵՆՊՐԵՍ։ ՀՀ վարչապետ Նիկոլ Փաշինյանը Դիլիջանում համայնքապետերի հետ հանդիպմանը հայտարարեց, որ փոխզիջում չի լինելու, փայտային մաֆիայի գործունեությունը դադարեցված է և պետք է դադարեցված մնա, այլ ելք չկա։

«Դիլիջան» ազգային պարկի շուրջ ստեղծված իրավիճակը էականորեն պետք է փոխվի։ Ես ակնկալում եմ, որ այդ հարցով լուրջ համագործակցություն կծավալեն ազգային պարկի տնօրինությունը, ոստիկանությունը, ազգային անվտանգության ծառայությունն ու քաղաքապետարանը, որպեսզի իրավիճակի էական փոփոխություն ունենանք»,- «Արմենպրես»-ի փոխանցմամբ՝ ասաց Նիկոլ Փաշինյանը։

Համայնքապետերի հետ հանդիպմանը վարչապետը կրկին խոսեց 140 հազար դոլար արժողությամբ բնապահպանական նոր ծրագրի մասին, որի շրջանակներում Հաղարծին գյուղի բնակիչները պետք է բիզնես ծրագրեր ներկայացնեն և փոխեն իրենց ընկալումները շրջակա միջավայրի նկատմամբ։

«Հույս ունեմ, որ այս ծրագրի կիրառմամբ իրավիճակն էականորեն կփոխվի։ Նշեմ, որ սա շարունակական ծրագիր է լինելու, այլ տեղերում հույս ունենք նմանատիպ ծրագրեր իրականացնել։ «Դիլիջան» ազգային պարկի ոչնչացման գործընթացը պետք է կանգնեցվի անմիջապես»,-հավելեց պաշտոնյան։

 Նիկոլ Փաշինյանը հույս հայտնեց, որ որոշ անձինք չեն փորձի մարդկանց ներքաշել իրենց նեղ շահերի մեջ։ «Կոշտ դիրքորոշում է որդեգրվելու։ Մենք այս հարցը մեկընդմիշտ կլուծենք»,-ասաց նա։


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]