Արարատի եւ Արմավիրի մարզերում օգոստոսի 11-ին ջրանջատումներ են սպասվում
12:42, 11 Օգոստոս 2018
ԵՐԵՎԱՆ, 11 ՕԳՈՍՏՈՍԻ, ԱՐՄԵՆՊՐԵՍ: «Վեոլիա Ջուր» ընկերությունը իր հաճախորդներին և սպառողներին տեղեկացնում է, որ «Հայաստանի Էլեկտրական ցանցեր» ՓԲԸ կողմից սնուցվող էլեկտրաենթակայանի հոսանքազրկման պատճառով օգոստոսի 11-ին՝ ժամը 11.00-21.00-ն դադարեցվում է մի քանի բնակավայրերի ջրամատակարարումը: «Արմենպրես»-ին «Վեոլիա Ջուր» ընկերությունից տեղեկացրեցին, որ ջրամատակարարումը նշված ժամանակահատվածում կդադարեցվի Արարատի մարզի՝ Նորաբաց, Դարակերտ, Ղուկասավան, Գետափնյա, Արբաթ, Հայանիստ, Դարբնիկ, Դաշտավան, Զորակ գյուղերում, Արմավիրի մարզի՝ Արմավիր քաղաքում:
Ընկերությունը հայցում է սպառողների ներողամտությունը պատճառված անհանգստության և կանխավ շնորհակալություն հայտնում ըմբռնման համար:
Բաժանորդագրվեք մեր ալիքին Telegram-ում