Ժամանակը Երևանում՝ 11:07:36,   14 Դեկտեմբեր

Ռուսաստանը պատասխան Է պատրաստում ԱՄՆ-ի նոր պատժամիջոցներին. Զախարովա


ԵՐԵՎԱՆ, 9 ՕԳՈՍՏՈՍԻ, ԱՐՄԵՆՊՐԵՍ: Ռուսաստանը պատասխան միջոցներ Է մշակելու ԱՄՆ-ի կողմից արված ոչ բարեկամական քայլին: Այդ մասին, ինչպես հաղորդել Է «Ինտերֆաքս»-ը, հայտարարել Է ՌԴ ԱԽ նախարարության պաշտոնական ներկայացուցիչ Մարիա Զախարովան, տեղեկացնում Է «Արմենպրես»-ը: «Ռուսական կողմը քանիցս նախազգուշացրել Է, որ ուժի դիրքից վերջնագրերի լեզվով խոսելը անօգուտ Է ու անհեռանկարային»,- ասել Է Զախարովան օգոստոսի 9-ին Մոսկվայում կայացած բրիֆինգի ժամանակ:

Նրա խոսքով՝ «այդ ֆոնին տարօրինակ են հնչում Ռուսաստանի հետ հարաբերությունների բարելավմանն ուղղված ջանքերը շարունակելու պատրաստակամության վերաբերյալ ամերիկյան վարչակազմի պնդումները»: «Դա չքողարկված երկերեսանիություն Է»,-հայտարարել Է Զախարովան: «Ցավոք, Վաշինգտոնի գործերը վկայում են հակառակի մասին: Այն տպավորությունն Է ստեղծվում, որ ԱՄՆ-ում ու նույն այն ուժերի դաշնակիցների մոտ, որոնք Վաշինգտոնում ընդունում եւ պաշտպանում են այդ որոշումները, ամրապնդվել Է նոր, վարվելակերպի այնպիսի մի ստանդարտ, երբ Ռուսաստանին առաջադրվում են տարատեսակ օդիոզ մեղադրանքներ, որոնք հիմնավորված չեն որեւիցե ապացուցողական բազայով»,-ընդգծել Է Զախարովան:

Նա նաեւ նշել Է, որ Մեծ Բրիտանիայում Հետախուզության գլխավոր վարչության նախկին սպա Սերգեյ Սկրիպալի եւ նրա դստեր՝ Յուլյայի թունավորմանը մեղսակցության վերաբերյալ Մոսկվային հասցեագրված մեղադրանքները ոչ մի հիմք չունեն:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ