Պետք է օգտագործեինք մեր պահերը. Տալալաև
ԵՐԵՎԱՆ, 8 ՕԳՈՍՏՈՍԻ, ԱՐՄԵՆՊՐԵՍ: Երևանի «Փյունիկ»-ի գլխավոր մարզիչ Անդրեյ Տալալաևի կարծիքով Եվրոպայի լիգայի որակավորման երրորդ փուլի «Մաքաբի»-ի դեմ խաղում թիմը պարտավոր էր գոնե մեկ գնդակ խփել:
«Խաղում էինք մի թիմի դեմ, որը վերջին տարիներին խաղում է Եվրոպայի լիգայի խմբային փուլում: Ես հիմա նման չեմ մի մարզչի, ով գոհ է խաղից: Այն պահերը, որոնք ստեղծեցինք, պարտավոր էինք գոլի վերածել»-«Արմենպրես»-ի հաղորդմամբ՝ լրագրողների հետ հանդիպման ժամանակ ասաց Տալալաևը:
Մարզչի կարծիքով՝ այժմ «Փյունիկ»-ում հավաքված են ֆուտբոլիստներ, որոնք հետագայում կկարողանան առաջընթաց ապահովել:
Ֆուտբոլի Եվրոպայի լիգայի որակավորման երրորդ փուլում Երևանի «Փյունիկ»-ը սեփական հարկի տակ ոչ-ոքի՝ 0:0 խաղաց Թել Ավիվի «Մաքաբի»-ի հետ: Թիմերի պատասխան հանդիպումը կկայանա օգոստոսի 16-ին:
Բաժանորդագրվեք մեր ալիքին Telegram-ում