ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Ըմբշամարտի Հայաստանի ֆեդերացիայի նախագահ Ռոբերտ Խաչատրյանը երիտասարդ ըմբիշների նվաճումն աննախադեպ է համարում:

«Երիտասարդ թիմերը հաջող մասնակցությունը Եվրոպայի առաջնությանը լավ աշխատանքի արդյունք է: Աննախադեպ ձեռքերում է հատկապես ազատ ոճային ըմբիշների համար: Հիմա մեր թիմերում սերնդափոխություն է տեղի ունենում, և դժվարություններ կան: Լավ սերունդ ունենք, հատկապես ազատ ոճային երիտասարդ ըմբիշների շարքերում: Վստահ եմ՝ երիտասարդները արդարացնելու են իրենց միջազգային ասպարեզներում»,- «Արմենպրես»-ի մամուլի սրահում լրագրողների հետ զրույցում ասաց ֆեդերացիայի նախագահը:

Ազատ ոճի ըմբշամարտի Հայաստանի երիտասարդական հավաքականը Եվրոպայի առաջնությունում ելույթն ավարտել է 3 ոսկե եւ 2 բրոնզե մեդալով՝ թիմային հաշվարկում գրավելով 2-րդ տեղը: Եվրոպայի երիտասարդական չեմպիոններ դարձան Արսեն Հարությունյանը (57 կգ), Վազգեն Թեւանյանը (61 կգ) եւ Հովհաննես Մաղաքյանը (125 կգ): Իսկ հունահռոմեական ոճի ըմբիշները 5 մեդալ են նվաճել: