Փրինսի ալբոմի հազվագյուտ նմուշօրինակը վաճառել են ռեկորդային գումարով. Guardian
ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Ամերիկացի երաժիշտ Փրինսի (1958-2016 թթ.) The Black Album լիաֆորմարտ ալբոմի հազվագյուտ նմուշօրինակը վաճառվել Է ռեկորդային գումարով՝ 27,5 հազար դոլարով: Ինչպես հայտնել Է The Guardian թերթը, դա դարձել Է աշխարհում երաժշտական պորտալների խոշորագույններից մեկի՝ Discogs-ի ռեկորդը, տեղեկացնում Է «Արմենպրես»-ը:
Վաճառված նմուշօրինակը թվագրված Է՝ 1987 թվականով, թեեւ The Black Album-ի պաշտոնական ռելիզը կայացել Է միայն յոթ տարի անց՝ 1994 թվականին: Փրինսը դա բացատրել Է նրանով, որ 80-ական թվականների վերջին ինքը մտքի պայծառացում Է ունեցել, եւ ինքը չեղարկել Է սկավառակի պլանավորված թողարկումը, իսկ արդեն տպագրված օրինակները կարգադրել Է ոչնչացնել:
«Ես հանկարծակի գիտակցեցի, որ մենք կարող ենք ցանկացած պահի մեռնել, իսկ մեզ դատելու են այն վերջին բանով, որը մենք թողել ենք մեզանից հետո: Ես չԷի ցանկանա, որ այդ չար, կծու իրը (The Black Album ալբոմը) դառնա հենց այդ ամենավերջինը»,- խոստովանել Է երաժիշտը Rolling Stone ամերիկյան երաժշտական հանդեսին տված հարցազրույցում:
Discogs-ում վաճառված սկավառակը հատուկ արժեք Է ներկայացնում նաեւ նրանով, որ մտնում Էր այն 500-հազարանոց տպաքանակի մեջ, որը Փրինսը կարգադրել Էր ոչնչացնել: Աշխարհում նման նմուշօրինակներն ընդամենը մի քանիսն են, եւ դրանցից մեկը պահպանել Է Տորոնտոյի վինիլային սկավառակների ֆաբրիկայի նախկին աշխատողը, որը միջնորդի միջոցով նմուշօրինակն անանուն վաճառել Է կայքում, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում