ԵՐԵՎԱՆ, 7 ՕԳՈՍՏՈՍԻ, ԱՐՄԵՆՊՐԵՍ: Մեծ Բրիտանիայի թագավորական դրամահատարանը մանկական գրականության հերոսի՝ Փադինգթոն արջուկի հայտնվելու 60-ամյակը նշել Է 50 փենս արժողությամբ կոլեկցիոն արծաթե մետաղադրամների թողարկմամբ, տեղեկացնում Է «Արմենպրես»-ը:

Մետաղադրամներից մեկի վրա գլխարկով արջուկը դրոշ Է թափահարում Բուքինգհեմյան պալատի՝ Մեծ Բրիտանիայի Եղիսաբեթ Երկրորդ թագուհու պաշտոնական նստավայրի մոտ, մյուսի վրա նա Փադինգթոնյան կայարանում Է: Բարելավված դիզայնով մետաղադրամը՝ գունավոր Փադինքթոնով, առաջարկվում Է 60 ֆունտ ստեռլինգով (77,7 դոլար): Էժան տարբերակը կարել Է ձեռք բերել 10 ֆունտ ստեռլինգով (12,9 դոլար):

Մետաղադրամների դիզայներ Դեյվ Նափթոնի խոստովանությամբ, դրանք ստեղծելիս, «ինքն իսկական կարոտախտ Է ապրել»: «Ինձ դուր Էր գալիս կարդալ Փադինգթոնի մասին գրքերը, երբ ես փոքր Էի,-ասել Է նա:-Փադինգթոնն իմ մանկության մի մասն Էր, բայց այժմ նրան իր համար բացահայտում Է բոլորովին նոր սերունդ»: Մայքլ Բոնդի (1926-2017 թթ.) «Փադինգթոն անունով արջուկը» գիրքն առաջին անգամ հրապարակվել Է 1958 թվականի հոկտեմբերին, հաղորդել Է ՏԱՍՍ-ը: