1000х90.jpg (78 KB)

Երևանում՝ 11:07,   28 Մարտ 2024

Բռնցքամարտիկ Արամ Ավագյանի առաջիկա մրցակիցը ոչ մի պարտություն չի կրել  

Բռնցքամարտիկ Արամ Ավագյանի առաջիկա մրցակիցը ոչ մի պարտություն չի կրել

 

ԵՐԵՎԱՆ, 6 ՕԳՈՍՏՈՍԻ, ԱՐՄԵՆՊՐԵՍ: Հայաստանի բռնցքամարտի հավաքականի անդամ, 31-րդ ամառային Օլիմպիական խաղերի մասնակից Արամ Ավագյանի առաջիկա մրցակիցը ոչ մի պարտություն չի կրել պրոֆեսիոնալ ռինգում:

«Արմենպրես»-ին այս մասին տեղեկացրին բռնցքամարտիկի պրոմոութերական ընկերությունից: Սեպտեմբերի 21-ին հայ պրոֆեսիոնալ բռնցքամարտիկ Արամ Ավագյանը կանցկացնի իր հերթական մենամարտը՝ WBC International Silver գոտու պաշտպանության համար:
Ավագյանի մրցակիցը կլինի ռուս ուժեղագույն բռնցքամարտիկներից մեկը՝ Եվգենի Սմիռնովը: 24-ամյա ռուս բռնցքամարտիկը պրոֆեսիոնալ ռինգում անցկացրել է 14 մենամարտ, որից 13-ում հաղթանակ է տոնել, 1 մենամարտ էլ ավարտվել է ոչ-ոքի:

Առաջիկա մենամարտն առանձնանում է նրանով, որ 2 մարզիկներն էլ դեռևս անպարտելի են:

Արամը, հիշեցնենք, հաղթանակ է տարել նախորդ բոլոր 8 մենամարտերում: 
Սմիռնովն իր առաջին մենամարտն անցկացրել է 2014 թվականի մարտի 15-ին, իսկ վերջին մենամարտում՝ հունիսի 23-ին առավելության է հասել Տանզանիան ներկայացնող ուժեղագույն բռնցքամարտիկ Բաինա Մազոլայի նկատմամբ: 
Այսպիսով, սեպտեմբերի 21-ին Մոսկվայում սպասվում է անպարտելիների մենամարտը՝ Եվգենի Սմիռնով-Արամ Ավագյան: 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]