Ունեինք բազմաթիվ գոլային պահեր, բայց չօգտագործեցինք. Արամ Ոսկանյան
ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Երևանի «Բանանց»-ի գլխավոր մարզիչ Արամ Ոսկանյանի կարծիքով «Շիրակ»-ի դեմ խաղում ուրախալի այն է, որ գնդակ չընդունեցին սեփական դարպասը:
«Ունեինք բազմաթիվ գոլային պահեր, բայց չօգտագործեցինք: Ուրախալի էր այն, որ գնդակ չընդունեցինք մեր դարպասը: Հայասանի առաջնությունում ոչ մի խաղ հեշտ չի լինելու: Մենք գիտեինք, որ «Շիրակ»-ը ագրեսիվ ֆուտբոլ է խաղալու և նրանց «դիմավորել» պետք էր իրենց իսկ կիսադաշտից»,- «Արմենպրես»-ի հաղորդմամբ՝ լրագրողների հետ հանդիպման ժամանակ ասաց Ոսկանյանը:
Մասնագետի խոսքով՝ «Բանանց»-ն այս առաջնությունում պայքարելու է լավագույն եռյակում հայտնվելու համար:
Ֆուտբոլի Հայաստանի առաջնության Բարձրագույն խմբի անդրանիկ տուրում «Բանանց»-ը սեփական հարկի տակ հյուրընկալեց «Շիրակ»-ին: Խաղն ավարտվեց ոչ-ոքի՝ 0:0 հաշվով:
Բաժանորդագրվեք մեր ալիքին Telegram-ում