ԵՐԵՎԱՆ, 4 ՕԳՈՍՏՈՍԻ, ԱՐՄԵՆՊՐԵՍ: Մեկնարկեց ֆուտբոլի Հայաստանի 2018/19 թվականների Բարձրագույն խմբի առաջնությունը:

«Արմենպրես»-ի հաղորդմամբ՝ Հայաստանի Բարձրագույն խմբի առաջնության անդրանիկ տուրում Երևանի «Բանանց»-ը սեփական հարկի տակ հյուրընկալեց Գյումրու «Շիրակ»-ին: Հանդիպման մեկնարկում «Բանանց»-ն ավելի շատ էր տիրում գնդակին, իսկ գյումրեցիներն էլ շեշտը դնում էր հակագրոհների վրա, որոնք երբեմն բավականին վտանգավոր էին ստացվում:

Երկրորդ կեսում ևս նույն իրավիճակն էր՝ «Բանանց»-ը տիրում էր նախաձեռնությանը, սակայն «Շիրակ» ամեն ինչ անում էր՝ օգտագործելու յուրաքանչյուր հնարավորություն: Ի վերջո դարպասի գրավում այդպես էլ չարձանագրվեց՝ «Բանանց»-«Շիրակ» 0:0:

Առաջին տուրի մյուս խաղը՝«Արարատ»-«Ալաշկերտ» կկայանա օգոստոսի 5-ին Երևանում: Իսկ «Փյունիկ»-«Գանձասար-Կապան» հանդիպումը անժամկետ հետաձգվել է:

Հայաստանի առաջնության Բարձրագույն խմբի երկրորդ տուրում «Բանանց»-ը կխաղա «Արցախ»-ի, իսկ «Շիրակ»-ը Գյումրիում կհյուընկալի «Լոռի»-ին: