Չինաստանը հրապարակել է ԱՄՆ-ի առեւտրական սպառնալիքներին պատասխանի պլանը
ԵՐԵՎԱՆ, 3 ՕԳՈՍՏՈՍԻ, ԱՐՄԵՆՊՐԵՍ: Չինաստանն օգոստոսի 3-ին հրապարակել է ԱՄՆ-ի առեւտրական սպառնալիքներին պատասխանի պլանը՝ հայտարարելով տարեկան մոտավորապես 60 մլրդ դոլար արժողությամբ ամերիկյան ապրանքների վրա մաքսերի տարբերակված տոկոսադրույքների սահմանման մասին, տեղեկացնում Է «Արմենպրես»-ը:
Ինպես հայտնել Է Boomberg գործակալությունը, Չինաստանի պատասխան միջոցները կսահմանվեն այն բանից անմիջապես հետո, երբ ԱՄՆ-ը կիրականացնի իր սպառնալիքները: Այս շաբաթ ավելի վաղ հայտնի Է դարձել, որ ԱՄՆ-ի նախագահ Դոնալդ Թրամփը հանձնարարել Է ԱՄՆ-ի առեւտրական ներկայացուցիչ Ռոբերտ Լայթհայզերին՝ ուսումնասիրել եւ նախապատրաստել 200 մլրդ դոլար արժողությամբ չինական ապրանքների վրա ավելի բարձր մաքսատուրքեր սահմանելու պլան, որով դրանք կկազմեն 25 տոկոս՝ ավելի վաղ պլանավորված 10 տոկոսի փոխարեն:
Ի պատասխան՝ Չինաստանը կոչ Է արել ԱՄՆ-ին՝ շանտաժով չզբաղվել առեւտրի ոլորտում եւ թույլ չտալ առեւտական հակամարտության հետագա բորբոքում, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում