Բարդ է լինելու թե «Ալաշկերտի», թե «Կլուժի» համար. Ռոմերո
ԵՐԵՎԱՆ, 3 ՕԳՈՍՏՈՍԻ, ԱՐՄԵՆՊՐԵՍ: Երևանի «Ալաշկերտի» նորեկ Սեզար Ռոմերոն կարծում է, որ «Ալաշկերտի» և «Կլուժի» համար էլ բարդ է լինելու Եվրոպայի լիգայի որակավորման երրորդ փուլում:
«Հրաշալի է, որ կարողացանք դուրս գալ Եվրոպայի լիգայի որակավորման երրորդ փուլ: Բարդ էր, բայց ուրախ եմ գրանցված արդյունքի համար: Իսկ ինչ կապված է մյուս մրցակցի հետ, ապա «Կլուժը» լավ թիմ ունի, բայց Եվոպայի լիգայի այս փուլում լավ են բոլոր թիմերը: Բարդ է լինելու թե «Ալաշկերտի», թե «Կլուժի» համար: Մենք անելու ենք ամեն ինչ հաղթանակի հասնելու համար»,-«Արմենպրես»-ի հաղորդմամբ՝ լրագրողների հետ զրույցում նման կարծիք հայտնեց Ռոմերոն:
Ֆուտբոլի Եվրոպայի լիգայի որակավորման երկրորդ փուլում Երևանի «Ալաշկերտը» երկու խաղերի ընդհանուր 1:0 հաշվով գերազանցեց Մակեդոնիայի չեմպիոն «Սուտյեսկաին»: Եվրոպայի լիգայի որակավորման երրորդ փուլում «Ալաշկերտը» կմրցի ռումինական «Կլուժ»-ի հետ: Թիմերի առաջին հանդիպումը կկայանա օգոստոսի 7-ին:
Լուսանկարը՝ Armsport-ի
Բաժանորդագրվեք մեր ալիքին Telegram-ում