Ժամանակը Երևանում՝ 11:07:36,   15 Նոյեմբեր

Վարդենիկի մշակույթի տան հիմնանորոգումը մոտենում է ավարտին


ԳԱՎԱՌ, 2 ՕԳՈՍՏՈՍԻ, ԱՐՄԵՆՊՐԵՍ: Գեղարքունիքի մարզի Վարդենիկ գյուղի մշակույթի տան հիմնանորոգումը մոտենում է ավարտական փուլին: Ինչպես «Արմենպրես»-ին տեղեկացրեց Վարդենիկի գյուղապետ Հովիկ Հովեյանը, տեղական բյուջեի միջոցներից հատկացված 7,5 միլիոն դրամի հաշվին շինարարական աշխատանքներն այստեղ մեկնարկել են հուլիսին եւ կավարտվեն օգոստոսի վերջերին:

«Հիմնանորոգվում են մշակույթի տան ճեմասրահը, երկրորդ հարկն ամբողջությամբ, առաջին հարկի սենյակները, կատարվում են արտաքին պատերի նորոգման եւ հարդարման աշխատանքներ: Մեր մշակույթի տունը զբաղեցնում է մոտ 2500 քմ մակերես: Դեռեւս մի քանի տարի առաջ այն ամբողջովին գտնվում էր անբարեկարգ ու կիսաքանդ վիճակում: Հիմնանորոգման համար այստեղ պահանջվում էին հսկայական գումարներ, ինչը կարողացանք հայթայթել տարիների ընթացքում՝ մի մասը պետական, մի մասը՝ տեղական միջոցներով: Հիմա արդեն իրականացնում ենք հիմնանորոգման ավարտական փուլը, որի համար այս տարի հատկացրել ենք 10 միլիոն 300 հազար դրամ, սակայն մրցույթը շինարարը շահել է 7,5 միլիոն դրամով: Առանձին ծրագրով կահավորվել է համակարգչային սենյակը, իսկ մյուս սենյակներն ու ճեմասրահը ընդհանուր կահավորման կարիք ունեն դեռ: Բայց կարեւորն այն է, որ կարողացանք ամբողջությամբ լուծել մշակույթի տան հիմնանորոգման խնդիրը, որտեղ գործում են մարզական եւ արվեստի խմբակներ»,-ներկայացրեց համայնքի ղեկավարը:

Խոսրով Խլղաթյան




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ