Հայաստանցի աշակերտները 2 մեդալ են նվաճել ինֆորմատիկայի Եվրոպայի պատանեկան օլիմպիադայում
16:35, 1 Օգոստոս 2018
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: Ռուսաստանի Իննոպոլիս քաղաքում հուլիսի 26-ից օգոստոսի 1-ը տեղի ունեցած «Ինֆորմատիկա» առարկայի Եվրոպայի պատանեկան 2-րդ օլիմպիադայից Հայաստանի թիմը վերադարձել է երկու մեդալով:
«Արմենպրես»-ի փոխանցմամբ` «Քվանտ» վարժարանի աշակերտ Ալեքսանդր Աբելյանը նվաճել է ոսկե, իսկ Ա․Շահինյանի անվան ֆիզիկամաթեմատիկական հատուկ դպրոցի սան Էմիլ Կոստանյանը՚ բրոնզե մեդալ:
Օլիմպիադային մասնակցել է եվրոպական 21 երկրների մինչև 15 տարեկան 80 աշակերտ: Հայաստանի թիմը, որը ներկայացված է եղել երկու մասնակցով, ղեկավարել է Երևանի պետական համալսարանի դասախոս Արմեն Անդրեասյանը:
Բաժանորդագրվեք մեր ալիքին Telegram-ում