«Բանանց»-ի 4 ֆուտբոլիստ հրավիրվել է Մ19 տարեկանների թիմ
16:04, 1 Օգոստոս 2018
ԵՐԵՎԱՆ, 1 ՕԳՈՍՏՈՍԻ, ԱՐՄԵՆՊՐԵՍ: «Բանանց»-ի 4 ֆուտբոլիստ կմիանա Հայաստանի մինչև 19 տարեկանների հավաքականին:
Այս մասին «Արմենպրես»-ին տեղեկացրին «Բանանց»-ի մամուլի ծառայությունից: «Բանանցի» ֆուտբոլիստներ Արսեն Եղիազարյանը, Արման Ղազարյանը, Սերգեյ Մկրտչյանը և Նարեկ Գրիգորյանը հրավիրվել են Հայաստանի մինչև 19 տարեկանների հավաքական:
Հայաստանի մինչև 19 տարեկանների հավաքականը օգոստոսի 7-8-ը կմասնակցի ուսումնամարզական հավաքի, իսկ այնուհետև, օգոստոսի 9-12-ը կմեկնի Բելառուս՝ մասնակցելու օգոստոսի 10-ին և 12-ին կայանալիք ընկերական հանդիպումներին Բելառուսի մինչև 19 տարեկանների հավաքականի հետ:
Բաժանորդագրվեք մեր ալիքին Telegram-ում