Ժամանակը Երևանում՝ 11:07:36,   21 Սեպտեմբեր

Իրանը լարվածության չի ձգտում տարածաշրջանում, բայց չի հրաժարվի նավթի արտահանումից. Ռոուհանի


ԵՐԵՎԱՆ, 31 ՀՈՒԼԻՍԻ, ԱՐՄԵՆՊՐԵՍ: Իրանի նախագահ Հասան Ռոուհանին հայտարարել Է, որ իր երկիրը չի սաստկացնի լարվածությունը տարածաշրջանում, բայց իրեն նավթ արտահանելու իրավունք Է վերապահում: Այդ մասին ասված Է Ռոուհանիի հայտարարության մեջ, որը հուլիսի 31-ին զետեղվել Է Իրանի նախագահի պաշտոնական կայքում:

«Իսլամական Հանրապետությունը երբեք չի ձգտել լարվածություն առաջացնել տարածաշրջանում եւ չի ցանկանում խնդիրներ ստեղծել միջազգային ջրատարածքներում (որոնցով իրականացվում են ածխաջածինների փոխադրումները), սակայն չի հրաժարվի նավթ արտահանելու իր իրավունքից»,- ասել Է Ռոուհանին: Ավելի վաղ Իրանի նախագահի վարչակազմի փոխղեկավար Համիդ Աբութալեբին հայտարարել Է, որ Իրանի հետ ԱՄՆ-ի բանակցությունները հնարավոր են միջուկային գործարքին Վաշինգտոնի վերադառնալու պայմանով: Հուլիսի 30-ին ԱՄՆ-ի նախագահ Դոնալդ Թրամփը չի բացառել Իրանի նախագահ Հասան Ռոուհանիի հետ հանդիպումն առանց նախապայմանների: Նա հավելել Է, որ դա պետք Է ցանկանա նաեւ Իրանը, բայց նա հազիվ թե պատրաստ Է այդ հանդիպմանը:

«Նրանք, ովքեր հավատում են երկխոսությանը՝ որպես քաղաքակիրթ հասարակություններում վեճերի լուծման մեթոդի, նաեւ պետք Է կատարեն այս բաները՝ հարգանք տածեն Իրանի մեծ ազգի նկատմամբ, նվազեցնեն ռազմական գործողությունները, վերադառնան միջուկային գործարքին: Գործողությունների համատեղ համապարփակ ծրագրին վերադառնալը երկխոսության պարտադիր պայմանն Է»,- գրել Է Աբութալեբին Twitter-ում:

ԱՄՆ-ի նախագահ Դոնալդ Թրամփը մայիսի 8-ին հայտարարել Է Գործողությունների համատեղ համապարփակ ծրագրից Վաշինգտոնի դուրս գալու մասին, գործարք, որ կնքվել Է 2015 թվականին եւ սահմանափակում Էր Թեհրանի միջուկային մշակումները ՄԱԿ-ի Անվտանգության խորհրդի համապատասխան պատժամիջոցների եւ Միացյալ Նահանգների ու Եվրամիության կողմից սահմանված միակողմանի սահմանափակումների չեղարկման փոխարեն: Թրամփը խոստացել Է ոչ միայն 90-180 օրվա ընթացքում վերականգնել հին պատժամիջոցները, այլեւ կիրառել նոր սահմանափակիչ միջոցներ, հաղորդել Է ՏԱՍՍ-ը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ