«Ալաշկերտ»-«Սուտյեսկա» հանդիպման մրցավարները Բուլղարիայից են
15:01, 30 Հուլիս 2018
ԵՐԵՎԱՆ, 30 ՀՈՒԼԻՍԻ, ԱՐՄԵՆՊՐԵՍ: «Ալաշկերտ»-«Սուտյեսկա» հանդիպման մրցավարական կազմը Բուլղարիայից է:
«Արմենպրես»-ին այս մասին տեղեկացրին ակումբի մամուլի ծառայությունից: Օգոստոսի 2-ին «Ալաշկերտը» կընդունի Մոնտենեգրոյի չեմպիոն «Սուտյեսկային»` Եվրոպա Լիգայի որակավորման երկրորդ փուլի պատասխան հանդիպման շրջանակում:
Խաղը կսպասարկի բուլղարական մրցավարական բրիգադը` Իվայլո Ստոյանովի գլխավորությամբ, որին կօգնեն Իվո Կոլևը և Գեորգի Դոյնովը: Չորրորդ պաշտոնյան Նիկոլայ Յորդանովն է:
«Ալաշկերտ»-«Սուտյեսկա» հանդիպումը կկայանա Երևանի «Հանրապետական» մարզադաշտում և կմեկնարկի 19:00-ին: Արտագնա խաղում մեր թիմը հաղթել է 1:0 հաշվով` սերբ պաշտպան Մլադեն Զելկովիչի գոլի շնորհիվ:
Բաժանորդագրվեք մեր ալիքին Telegram-ում