Ժամանակը Երևանում՝ 11:07:36,   18 Օգոստոս

Արցախում բերքի իրացման խնդիրներ չկան. պետնախարար  Մարտիրոսյանը աշխատանքային խորհրդակցություն է անցկացրել

Արցախում բերքի իրացման խնդիրներ չկան. պետնախարար  Մարտիրոսյանը 
աշխատանքային խորհրդակցություն է անցկացրել

ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Արցախի Հանրապետության պետական նախարար Գրիգորի Մարտիրոսյանը հուլիսի 23-ին աշխատանքային խորհրդակցություն է անցկացրել շրջանային վարչակազմերի ղեկավարների հետ։ Այս մասին «Արմենպրես»-ին տեղեկացրին ԱՀ պետական նախարարի աշխատակազմի տեղեկատվության և հասարակայնության հետ կապերի բաժնից:

Հանդիպմանը մասնակցել են նաև գյուղատնտեսության նախարար Ժիրայր Միրզոյանը և ֆինանսների նախարար Արթուր Հարությունյանը։

Պետնախարարի առաջարկով շրջվարչակազմերի ղեկավարները ներկայացրել են բերքահավաքի և ընթացիկ գյուղատնտեսական աշխատանքների մասին հաշվետվություններ՝ ըստ շրջանների։ Անդրադարձ է կատարվել բերքահավաքի տեմպերին, բնակլիմայական պայմանների բերումով բերքատվության խնդիրներին և դրանց հաղթահարման ու տնտեսվարողներին փոխհատուցումների տրամադրման տարբեր եղանակներին։

Ժ․ Միրզոյանն, ամփոփելով շրջաններից ստացված տվյալները, ներկայացրել է, որ բերքահավաքի շուրջ 95% ավարտված է, մշակաբույսերի միջին բերքատվությունը 20 ց/հա է։ Պատասխանելով պետնախարարի համապատասխան հարցին՝ Ժ․ Միրզոյանը հավաստիացրել է, որ այս շրջանում արցախյան գյուղատնտեսները բերքի իրացման խնդիր չունեն։




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ