Ժամանակը Երևանում՝ 11:07:36,   19 Նոյեմբեր

Արարատը նվաճված է. «Արմենպրես»-ի մարզական լրագրողը հասել է Բիբլիական լեռան գագաթ


ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: «Արմենպրես» լրատվական գործակալության մարզական լրագրող Վարվառա Հայրապետյանը նվաճել է բիբլիական Արարատի գագաթը: Ամիսների բազմաչարչար պատրաստություններն իրենց վերջնարդյունքին են հասել հուլիսի 18-ին, երազանք դարձած գագաթին հասնելով, որից երկու օր առաջ Վարվառան հենց վերելքի ճանապարհին տոնեց ծննդյան 27-ամյակը: «Արարատը նվաճված է... Չեմ գրի, թե ինչ դաժան, տառապալից էր այն, բայց Արարատի այս վերելքը նվիրվում է Հայրիկիս՝ Վյաչեսլավ Հայրապետյանի հիշատակին։ Նա լեռնագնաց էր ու ուներ մեծ երազանք՝ նվաճելու Բիբլիական Արարատը»,-երազանքի իրագործումից հետո գրել է Արարատի գագաթից աշխարհին նայած Վարվառա Հայրապետյանը:

Հատկանշական է, որ Վարվառան Արարատ բարձրացավ այն տարում, երբ «Արմենպրես» լրատվական գործակալությունը տոնում է հիմնադրման 100-ամյակը, մեր թղթակցի խոսքով՝ այս վերելքը նաև իր մասնագիտական կարիերայի մեջ մեծ ներդրում ունեցած լրատվամիջոցի պատվին է:



Վարվառա Հայրապետյանն Արցախյան ազատամարտի մասնակիցներ Շուշանիկ Աբրահամյանի և լուսահոգի Վյաչեսլավ Հայրապետյանի դուստրն է:

 




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ