1000х90.jpg (78 KB)

Երևանում՝ 11:07,   29 Մարտ 2024

Հասմիկ Պապյանն ու Նարե Արղամանյանը հանդես կգան «Մոնտե Կառլո» օպերային թատրոնում Վրույր Փենեսյանի նախաձեռնությամբ

Հասմիկ Պապյանն ու Նարե Արղամանյանը հանդես կգան «Մոնտե Կառլո» օպերային թատրոնում Վրույր Փենեսյանի նախաձեռնությամբ

ԵՐԵՎԱՆ, 16 ՀՈՒԼԻՍԻ, ԱՐՄԵՆՊՐԵՍ: Մոնակոյում սեպտեմբերի 2-3-ը կանցկացվեն Հայաստանի օրեր՝ նվիրված Արամ Խաչատրյանի ծննդյան 115-ամյակին: Հայաստանի մշակույթի օրերի շրջանակում նախատեսված են մի շարք միջոցառումներ: Մասնավորապես, նախատեսված է համերգ համաշխարհային ճանաչում ունեցող օպերային երգչուհի Հասմիկ Պապյանի և աշխարհահռչակ դաշնակահարուհի Նարե Արղամանյանի մասնակցությամբ: Համերգը կայանալու է «Մոնտե Կառլո» օպերային թատրոնում:

«Արմենպրես»-ի մամուլի սրահում հրավիրված ասուլիսում Հայաստանի օրերը Մոնակոյում, «ARMENIAN COLLECTION 2018 MONTE-CARLO»  խորագրով միջոցառման նախաձեռնող և կազմակերպիչ Վրույր Փենեսյանը նշեց, որ վայրի ընտրությունը պատահական չէ:

«Հենց այդ համերգասրահում էր, որ 1974 թվականին Արամ Խաչատրյանը համերգով հանդես եկավ: Նախատեսված համերգից առաջ «Մոնտե Կառլո» օպերային թատրոնի նախասրահում կկազմակերպվի Արամ Խաչատրյանի լուսանկարների ցուցահանդես: Համերգը կրելու է բարեգործական բնույթ, որը միտված կլինի աջակցելու Հայաստանում գործող «Օգնեմ» և «Ֆոնդ 100» հիմնադրամներին»,-ասաց Վրույր Փենեսյանը: Երկրորդ օրը նախատեսվում է Մոնակոյի հյուրանոցներից մեկում կազմակերպել հայկական լյուքս դասի արտադրանքի ցուցադրություն: Ներկայացվելու են հայկական կոնյակն ու գինին:

Արամ Խաչատրյանի տուն-թանգարանի տնօրեն Արմինե Գրիգորյանը նշեց, որ հրաշալի հնարավորություն է հոբելյանական տարում մեծ մաեստրոյին ներկայացնել Մոնակոյում մի շատ հետաքրքիր ցուցադրությամբ:

«Ասեմ, որ արդեն ապրիլին նման ցուցահանդես կազմակերպվեց Մալթայի մայրաքաղաք Վալետայում, որն այս տարի Եվրոպայի մշակութային մայրաքաղաքն է: Այդ ցուցադրությունը մեծ հետաքրքրություն առաջացրեց, և ես շատ ուրախ եմ, որ առաջարկ եղավ այդպիսի ցուցադրությամբ ներկայանալ Մոնակոյում՝ մի երկրում, որտեղ հանդես է եկել Արամ Խաչատրյանը»,-ասաց Արմինե Գրիգորյանը՝ ներկայացնելով հետաքրքիր պատմություն Արամ Խաչատրյանի՝ Մոնակո կատարած այցելության հետ: Երբ նա հյուրընկալվել է Ֆրանսիայում, աշխարհահռչակ թավջութակահար Մստիսլավ Ռոստրոպովիչի հետ որոշել են այցելել Մոնակո: Այդ ժամանակ Մոնակոյի արքայազնն իր կնոջ հետ երկրում չի, իսկ երբ իմացել է, թե ինչ հյուրեր են եկել, իրենց այցը ընդմիջել են և վերադարձել Մոնակո, որպեսզի ընդունեն նրանց: Այդ ժամանակ արքայազնն Արամ Խաչատրյանին առաջարկել է 1974 թվականին անցկացվող փառատոնի շրջանակում ելույթ ունենալ, և ստեղծագործություն գրել հատուկ այդ փառատոնի բացման արարողության համար:

Այժմ այդ նույն բեմում են հանդես գալու Հասմիկ Պապյանն ու Նարե Արղամանյանը:

«Շատ ուրախ եմ, որ առիթ ունեմ նորից վերադառնալ «Մոնտե Կառլո» օպերային թատրոն՝ հանդես գալու այսպիսի բացառիկ համերգով: Պետք է ասեմ, որ այս օպերային թատրոնն ընդհանրապես Եվրոպայի համերգասրահների, թատրոնների մարգարիտներից մեկն է: Համերգին հնչելու են բազմաթիվ ստեղծագործություններ, այդ թվում՝ Արամ Խաչատրյանի»,-ասաց Հասմիկ Պապյանը: Նա «Մոնտե Կառլո» օպերային թատրոնում երգել է նաև 2009 թվականին: 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]