Ժամանակը Երևանում՝ 11:07:36,   24 Սեպտեմբեր

Ադրբեջանի իշխանությունները ցույցերը կանխելու համար հատուկ միջոցներ են ձեռնարկել


ԵՐԵՎԱՆ, 16 ՀՈՒԼԻՍԻ, ԱՐՄԵՆՊՐԵՍ: Ադրբեջանի իրավապահ մարմինները Սումգայիթում բողոքի ակցիաները կանխելու նպատակով հատուկ միջոցներ են ձեռնարկել:

Այս մասին, ինչպես հաղորդում է «Արմենպրես»-ը, հայտնում է ադրբեջանական «Թուրան» լրատվական գործակալությունը:

Ադրբեջանի իշխանությունները բողոքի ակցիան կանխելու համար անգամ գործողություններին ներգրավվել են հատուկ նշանակության տեխնիկա և զրահամեքենաներ:

Սումգայիթի քաղաքապետարանի շրջակա տարածքը փակվել է հատուկ ջոկատայինների կողմից, իշխանությունները հարակից տարածքներում գործող խանութների և սրճարանների տերերին ստիպել են դադարեցնել աշխատանքը, որպեսզի մարդկանց անցուդարձը պակասեցվի:

Իրավապահներն այս գործողությունների ընթացքում ձերբակալել են իշխանության կողմից որպես «կրոնական արմատականներ»  ներկայացվող և նրանց «աջակցող» 18 անձի:

Ադրբեջանի իշխանությունները կրկին ակտիվացրել են ռեպրեսիվ քաղաքականությունը, շարունակում են ձերբակալությունների և քաղբանտարկյալների ճնշման պրակտիկան:

Ձերբակալություններն ակտիվացել են Մինգեչաուրի ՋԷԿ-ում գրանցված խափանումներից և Գյանջայի (Գանձակ) քաղաքապետի նկատմամբ իրականացված մահափորձից հետո:

Գյանջայում տեղի ունեցած իրադարձությունների վերաբերյալ հավաստի տեղեկությունները բացակայում են, ինչի պատճառը երկրում անկախ լրատվամիջոցների բացակայությունն է և եղած լրատվամիջոցների գործունեության սահմանափակումը իշխանության կողմից:

Ադրբեջանի նախագահ Ւլհամ Ալիևը իր անձնական վերահսկողության տակ է վերցրել Գյանջայի քաղաքապետ Էլմար Վելիևի և նրա թիկնապահի վրա հուլիսի 3-ի երեկոյան կատարված մահափորձից հետո հարուցված քրեական գործը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ