ՏԿԶ նախարարի տեղակալ Կ. Իսախանյանը հանդիպել է ՀՀ ՄԻՊ գրասենյակի ներկայացուցիչների հետ
20:14, 13 Հուլիս 2018
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: ՀՀ տարածքային կառավարման և զարգացման նախարար Սուրեն Պապիկյանի հանձնարարությամբ նախարարի տեղակալ Կարեն Իսախանյանի մոտ այսօր տեղի է ունեցել հանդիպում ՀՀ մարդու իրավունքների պաշտպանի գրասենյակի աշխատակազմի ներկայացուցիչներ Արմեն Մաշինյանի և Հայկ Խաչատրյանի հետ: Այս մասին «Արմենպրես»-ին տեղեկացրին ՏԿԶ հասարակայնության հետ կապերի բաժնից:
Հանդիպման ընթացքում քննարկվել են ՄԻՊ-ի՝ ՀՀ Գեղարքունիքի և Վայոց ձորի մարզեր կատարած այցերի ընթացքում քաղաքացիների կողմից բարձրացված տարաբնույթ հարցերը:
Բաժանորդագրվեք մեր ալիքին Telegram-ում