Ժամանակը Երևանում՝ 11:07:36,   11 Դեկտեմբեր

Այսուհետեւ իրավական ակտերի վերաբերյալ պաշտոնական պարզաբանում տալու գործառույթը ՊԵԿ-ի փոխարեն կկատարի Ֆիննախը


ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Ընթացիկ տարվա հուլիսի 1-ից իրավական ակտերի վերաբերյալ պաշտոնական պարզաբանում տալու գործառույթը, օրենսդրությամն փոփոխությամբ պայմանավորված, փոխանցվել է Ֆինանսների նախարարությանը: «Արմենպրես»-ի փոխանցմամբ, այս մասին լրագրողների հետ հանդիպմանը տեղեկացրեց Պետեկամուտների կոմիտեի նախագահ Դավիթ Անանյանը՝ նշելով, որ այս տեղեկատվությունը կարևոր է հատկապես մասնագիտական հանրության համար:

«Այսուհետ ՊԵԿ-ն օրենքների կամ հարկային օրենսդրությունը կարգավորող իրավական ակտերի պաշտոնական պարզաբանում տալու իրավասություն չունի այն պարզ պատճառով, որ իրավական ակտերը կիրառող կառույցը, տվյալ դեպքում՝ հարկային մարմինը, հնարավոր է սուբյեկտիվ պարզաբանի դրանք: Դա ամբողջությամբ փոխանցվել է Ֆինանսների նախարարությանը»,-ասաց Դավիթ Անանյանը:

ՊԵԿ նախագահը հայտնեց այն մասին, որ հարկ վճարողների սպասարկման ոլորտում՝ «մեկ պատուհան» համակարգի կատարելագործմամբ առաջիկայում տնտեսվարող սուբյեկտները հնարավորություն կունենան ակցիզային դրոշմանիշները և դրոշմապիտակները ստանալ հարկային մարմնի իրենց համար առավել նախընտրելի սպասարկման կետից:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ