Լարիսա Ալավերդյանի կարծիքով՝ ՄԽ աջակցությունը Արցախը բանակցային սեղան վերադարձնելու նախաձեռնությանը կլինի առնվազն ոչ հրապարակային
13:55, 10 Հուլիս 2018
ԵՐԵՎԱՆ, 10 ՀՈՒԼԻՍԻ, ԱՐՄԵՆՊՐԵՍ: «Ընդդեմ իրավական կամայականության» ՀԿ գործադիր տնօրեն Լարիսա Ալավերդյանի կարծիքով, ԵԱՀԿ Մինսկի խմբի համանախագահների աջակցությունը հայկական կողմի՝ Արցախը բանակցային սեղան վերադարձնելու նախաձեռնությանը, կլինի առնվազն ոչ հրապարակային:
«Արմենպրես»-ի հաղորդմամբ՝ Ալավերդյանը նման տեսակետ հայտնեց լրագրողների հետ հանդիպմանը:
«Լավրովը շատ ազնվորեն ցույց տվեց, որ բոլոր համանախագահներն ասելու են՝ սա ձեր գործն է: Առնվազն հրապարակայնորեն որևէ քայլ չեն անելու: Եթե ինչ-որ բան էլ տեղի ունենա, ապա այլ շերտերում, ոչ հրապարակային»,- ասաց Ալավերդյանը:
Բաժանորդագրվեք մեր ալիքին Telegram-ում