Ռուսաստանի հավաքականը շարունակում է պատմություն կերտել. Մունդիալ 2018
ԵՐԵՎԱՆ, 1 ՀՈՒԼԻՍԻ, ԱՐՄԵՆՊՐԵՍ: Ռուսաստանի ազգային հավաքականն Աշխարհի առաջնության 1/8 եզրափակչի Իսպանիայի դեմ խաղում կարողացավ դրամատիկ պայքարում հաղթանակ տանել և դուրս գալ քառորդ եզրափակիչ: «Արմենպրես»-ի փոխանցմամբ, հանդիպման հիմնական ժամանակն ավարտվեց 1:1 հաշվով: 12-րդ րոպեին Իգնաշևիչն ինքնագոլի հեղինակ դարձավ, իսկ առաջին խաղակեսի ավարտին Պիկեի ձեռքով խաղից հետո նշանակված 11 մետրանոցը հստակ իրացրեց Արտյոմ Ձյուբան:
Գործը հասավ 11 մետրանոցների, որի շնորհիվ ռուս ֆուտբոլիստները հաղթեցին իսպանացիներին: Ռուսաստանի հավաքականի ֆուտբոլիստները հստակորեն իրացրին իրենց մոտեցումները, իսկ Իսպանիայի ընտրանուց վրիպեցին Կոկեն և Ասպասը:
Երկրորդ խաղակեսում և լրացուցիչ ժամանակի խաղակեսերում գոլ չխփվեց:
Քառորդ եզրափակչում Ռուսաստանի ընտրանին կհանդիպի Խորվաթիա-Դանիա մրցավեճի հաղթողին:
1986 թվականից ի վեր Ռուսաստանի ընտրանին Աշխարհի առաջնություններում դուրս չէր եկել խմբային փուլից:
Լուսանկարը՝ The Guardian-ից, լուսանկարիչ՝ Maxim Shemetov/Reuters
Բաժանորդագրվեք մեր ալիքին Telegram-ում