ԵՐԵՎԱՆ, 29 ՀՈՒՆԻՍԻ, ԱՐՄԵՆՊՐԵՍ: Ֆուտբոլի աշխարհի 21-րդ առաջնության 1/8 եզրափակչի բոլոր զույգերը հայտնի են:

«Արմենպրես»-ի հաղորդմամբ՝ «Մունդիալ-2018»-ում հունիսի 29-ին հանգստի օրը կլինի: Փլեյի-օֆֆի խաղերը կսկսվեն հունիսի 30-ին:

Փլեյ-օֆֆի առաջին խաղում կմրցեն Ֆրանսիայի և Արգենտինայի ընտրանիները: Այդ խաղը կկայանա Կազանի համանուն մարզադաշտում և կմեկնարկի Երևանի ժամանակով 18:00-ին:

Նույն օր 22:00-ին 1/8 եզրափակչի մյուս խաղում միմյանց դեմ ուժերը կչափեն Ուրուգվայի և Պորտուգալիայի ընտրանինները:

Հուլիսի 1-ին Մոսկվայի «Լուժնիկի» մարզադաշտում Իսպանիա-Ռուսաստան զույգը կպայքարի քառորդ եզրափակչի ուղեգրի համար: Այդ խաղը կկայանա 18:00-ին: Ավելի ուշ՝ 22:00-ին, Խորվաթիան կփորձի հաղթել Դանիային:

1/8 եզրափակչում հուլիսի 2-ին ժամը 18:00-ին կկայանա Բրազիլիա-Մեքսիկա, իսկ 22:00-ին Բելգիա–Ճապոնիա հանդիպումները:

Հուլիսի 3-ին կլինեն կլինեն փլեյ-օֆֆի վերջին խաղերը: Շվեդիա-Շվեյցարիա՝ 18:00-ին և Անգլիա -Կոլումբիա՝ 22:00-ին:

Քառորդ եզրափակչի խաղերը կմեկնարկեն հուլիսի 6-ից: