Ժամանակը Երևանում՝ 11:07:36,   26 Սեպտեմբեր

Հրանտ Մելքումյանը Կարեն Ասրյանի հուշամրցաշարի երկու առաջատարից մեկն է  


ԵՐԵՎԱՆ, 27 ՀՈՒՆԻՍԻ, ԱՐՄԵՆՊՐԵՍ: Օլիմպիական չեմպիոն Կարեն Ասրյանի հուշամրցաշարում կայացան 6-րդ տուրի պարտիաները:

«Արմենպրես»-ի հաղորդմամբ` Ջերմուկում ընթացող մրցաշարի հերթական տուրում Հայաստանի ներկայացուցիչներից հաղթանակեր տոնեցին Հրանտ Մելքումյանը, Մանուէլ Պետրոսյանը, Սամվել Տեր-Սահակյանը, Արամ Հակոբյանը, Արման Միքայելյանը և այլք:

6-րդ տուրից հետո մրցաշարի առաջատարներն են 5-ական միավոր վաստակած Հրանտ Մելքումյանը և Ռինատ Ջումաբաևը:

Կարեն Ասրյանի 11-րդ հուշամրցաշարը մեկնարկեց հունիսի 21-ին և կեզրափակվի հունիսի 29-ին: Այն կունենա 9 տուր: Մրցաշարին մասնակցում է 76 շախմատիստ:

Ավանդույթի համաձայն՝ այս տարի ևս մրցաշարն անցկացվում է Ջերմուկում: Մրցաշարին մասնակցող ամենաբարձր վարկանիշն ունեցող մարզիկն է հնդիկ գրոսմայստեր Պենտալա Հարիկրիշնան (2666): Բարձր վարկանիշ ունեցող հայ գրոսմայստերներից մրցաշարին մասնակցում են Հրանտ Մելքումյանը, Ռոբերտ Հովհաննիսյանը, Արման Փաշիկյանը և Զավեն Անդրիասյանը:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ