Թրամփը և Էրդողանը ՆԱՏՕ-ի գագաթնաժողովի շրջանակում հանդիպում կունենան
21:02, 26 Հունիս 2018
ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: ԱՄՆ-ի և Թուրքիայի նախագահներ Դոնալդ Թարմփը և Ռեջեփ Թայիփ Էրդողանը հեռախոսային բանակցություններ են անցկացրել, որոնց ընթացքում պայմանավորվել են հանդիպել Բրյուսելում հուլիսի 11-12-ին նախատեսված ՆԱՏՕ-ի գագաթնաժողովի շրջանակում: Ինչպես փոխանցում է «Արմենպրես»-ը, այդ մասին հաղորդել է Թուրքիայի նախագահի մամուլի ծառայությունը:
Թրամփը շնորհավորել է Էրդողանին հունիսի 24-ի ընտրություններում հաղթելու կապակցությամբ: «Նախագահներն անհամբերությամբ են սպասում ՆԱՏՕ-ի գագաթնաժողովի շրջանակում երկկողմ հանդիպմանը»,- ասված է հաղորդագրության մեջ:
Բաժանորդագրվեք մեր ալիքին Telegram-ում