Շիկակարմիր Սոնյան հինգերորդ երեխան Է ունեցել 54 տարեկանում
ԵՐԵՎԱՆ, 25 ՀՈՒՆԻՍԻ, ԱՐՄԵՆՊՐԵՍ: Դանիացի դերասանուհի եւ երգչուհի Բրիգիտա Նիլսենը, որն առավել հայտնի Է Շիկակարմիր Սոնյայի դերով համանուն ֆանտաստիկ մարտաֆիլմում, ծննդաբերել Է հինգերորդ երեխային: Աղջկան կոչել են Ֆրիդա, պատմել Է նա People-ում հրապարակված հարցազրույցում, տեղեկացնում Է «Արմենպրես»-ը: «Մենք շատ ուրախ ենք մեր կյանքում ողջունելու հիանալի դստերը: Դա երկար ճանապարհ Էր, բայց արժեր: Մենք երբեք ավելի ուժեղ չենք սիրել միմյանց»,- հայտարարել են 54-ամյա Նիլսենը եւ նրա 39-ամյա ամուսինը՝ Մաթիա Դեսին:
Նորածին աղջնակի քաշը 5 ֆունտ եւ 9 ունցիա Է (մոտավորապես 2,4 կիլոգրամ):
Նիլսենը պաշտոնապես ամուսնացած Է հինգերորդ անգամ: Նա չորս որդի ունի առաջին եւ չորրորդ ամուսնուց, ինչպես նաեւ զուգընկերոջից, որի հետ նշանված Է եղել: Դերասանուհու երկրորդ ամուսինը եղել Է Սիլվեստր Ստալոնեն: Նրանք ամուսնացած են եղել երկու տարի, բայց երեխաներ չեն ունեցել: Շիկակարմիր Սոնյան Նիլսենի առաջին լուրջ դերն Է կինոյում: Համանուն ֆիլմը նկարահանվել Է 1985 թվականին: Կինոնկարում Նիլսենի խաղընկերն Է դարձել Առնոլդ Շվարցենեգերը:
Բաժանորդագրվեք մեր ալիքին Telegram-ում