Մեսին Մունդիալից հետո կարող է հեռանալ Արգենտինայի հավաքականից
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Ֆուտբոլի Արգենտինայի ազգային թիմի ավագ Լիոնել Մեսին կարող է Մունդիալից հետո ավարտել կարիերան հավաքականում:
«Արմենպրես»-ի հաղորդմամբ` հնարավոր է Ռուսաստանում ընթացող ֆուտբոլի աշխարհի առաջնությունից հետո Արգենտինայի ազգային հավաքականի կազմում ելույթներն ավարտեն Էվեր Բանեգան, Սերխիո Ագուերոն, Լուկաս Բիլիան, Անխել դի Մարիան, Մարկոս Ռոխոն ու Խավիեր Մասկերանոն: Հավաքականում ելույթները կարող են ավարտել նաև Լիոնել Մեսին և Գոնսալո Իգուաինը:
Դեռևս 2016 թվականին, երբ Արգենտինան Կոպա Ամերիկայի եզրափակչում պարտվեց Չիլիի ընտրանուն, Մեսին 7 ամսով հեռացավ հավաքականից, այնուհետև կրկին վերսկսեց ելույթներն ազգային ընտրանու կազմում՝ օգնելով Արգենտինային 2018թ. ֆուտբոլի աշխարհի առաջնության ուղեգիր նվաճել:
Բաժանորդագրվեք մեր ալիքին Telegram-ում