Հսկայական թվով վիթխարի առնետները գրոհում են Շվեդիայի քաղաքի վրա
ԵՐԵՎԱՆ, 22 ՀՈՒՆԻՍԻ, ԱՐՄԵՆՊՐԵՍ: Շվեդիայի Սունդսվալ քաղաքի բնակիչները գանգատվել են առնետների ներխուժումից, որոնք, ինչպես պնդում են ականատեսները, հասնում են կատուների չափերի: Այս մասին, ինչպես տեղեկացնում Է «Արմենպրես»-ը, հաղորդել Է The Local-ը:
Տեղի իշխանությունները քաղաքի շրջաններից մեկի բնակիչներին նախազգուշացրել են, որ կենդանիները կարող են վտանգավոր լինել: Քաղաքացիներին խորհուրդ են տվել դռներն ու լուսամուտները փակ պահել, իսկ դպրոցականներին դասամիջոցներին շենքերից դուրս չթողնել:
Բացի դրանից, շվեդներին խորհուրդ են տվել թույլ չտալ առնետների ներթափանցում տներ եւ ոչ մի դեպքում չկերակրել դրանց: Քաղաքում ուժեղացրել են հսկողությունը ցանկացած ուտելի աղբի նկատմամբ: Իշխանությունները կարծում են, որ անոմալ խոշոր առնետների վիթխարի թվի պատճառ Է դարձել օգտահանման կենտրոնը, որը տեղափոխման գործընթացում Է: Քանի որ հին վայրը, որտեղ գտնվում Էր կենտրոնը, դատարկվել Է, կենդանիները կեր որոնելու են շտապել քաղաք:
Բաժանորդագրվեք մեր ալիքին Telegram-ում