Փոլ Մաքարթնին հնգամյա ընդմիջումից հետո առաջին անգամ նոր ալբոմ կթողարկի
11:04, 21 Հունիս 2018
ԵՐԵՎԱՆ, 21 ՀՈՒՆԻՍԻ, ԱՐՄԵՆՊՐԵՍ: Բրիտանացի երաժիշտ, The Beatles լեգենդար խմբի նախկին անդամ Փոլ Մաքարթնին սեպտեմբերի 7-ին կթողարկի Egypt Station կոչվող նոր սոլո ալբոմը: Այս մասին, ինչպես տեղեկացնում Է «Արմենպրես»-ը, ասված Է երգչի եւ կոմպոզիտորի պաշտոնական կայքում:
Երաժշտի նոր՝ թվով 17-րդ ձայնապնակը ձայնագրվել Է Միացյալ Նահանգների Capitol Records ձայնագրման ստուդիայում: Սկավառակի շապիկը զարդարում Է իր իսկ՝ Մաքարթնիի կատարմամբ նկարը: 14 երգից բաղկացած ալբոմում տեղ են գտել նաեւ I Don՚t Know եւ Come On To Me ավելի վաղ ներկայացված կոմպոզիցիաները: Ներկայում երաժշտի կայքն առաջարկում Է կատարել ալբոմի նախապատվեր, որի աուդիոտարբերակը վաճառվում Է 13,99 դոլարով, հաղորդել Է ՌԻԱ Նովոստին:
Բաժանորդագրվեք մեր ալիքին Telegram-ում