Յուլյա Տիմոշենկոն հայտարարել Է, որ պայքարելու Է Ուկրաինայի նախագահի պաշտոնի համար
17:17, 20 Հունիս 2018
ԵՐԵՎԱՆ, 20 ՀՈԻՆԻՍԻ, ԱՐՄԵՆՊՐԵՍ: «Բատկիվշչինա» կուսակցության առաջնորդ եւ Գերագույն ռադայի համանուն խմբակցության ղեկավար Յուլյա Տիմոշենկոն իր թեկնածությունն առաջադրելու Է Ուկրաինայի նախագահի պաշտոնի համար: Այդ մասին, ինչպես տեղեկացնում Է «Արմենպրես»-ը, նա հայտարարել Է հունիսի 20-ին՝ Facebook-ի տեսախորհրդաժողովում պատասխանելով ՏԱՍՍ-ի թղթակցի հարցին:
«Այո՛, ես իմ թեկնածությունն առաջադրելու եմ նախագահի պաշտոնի համար»,-պատասխանել Է Տիմոշենկոն: Դրա հետ մեկտեղ նա վստահություն Է հայտնել իր հաղթանակի հարցում: «Հաղթանակից անմիջապես հետո ես հանրաքվե կանցկացնեմ երկրում կառավարման ձեւը փոխելու շուրջ»,-ընդգծել Է «Բատկիվշչինա»-ի առաջնորդը:
Բաժանորդագրվեք մեր ալիքին Telegram-ում