ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Եվրամիությունը (ԵՄ) պատասխան միջոցներ Է ընդունել պողպատի եւ ալյումինի վրա ԱՄՆ-ի առեւտրական մաքսերի դեմ: Այս մասին, ինչպես տեղեկացնում Է «Արմենպրես»-ը, հայտնել Է Եվրահանձնաժողովը (ԵՀ) հունիսի 20-ին հրապարակված հայտարարության մեջ:

«Եվրահանձնաժողովը հաստատեց պողպատի եւ ալյումինի վրա ԱՄՆ-ի սակագներին ի պատասխան առեւտրի վերահավասարակշռման ԵՄ-ի միջոցների սահմանման մասին դրույթը: Այդ միջոցները գործողության մեջ կդրվեն հունիսի 22-ին եւ կուղղորդվեն 2,8 միլիարդ եվրո միագումար արժեքով ապրանքների ցուցակ»,- հայտարարել Է ԵՀ-ն: Եվրահանձնաժողովը պարզաբանել Է, որ այդ ապրանքները «լրացուցիչ մաքսերով կհարկվեն Եվրամիության սահմաններին»: Այդ ցուցակի մեջ են մտել պողպատե եւ ալյումինե արտադրանքը, ագրարային մթերքներ, ինչպես նաեւ մի շարք այլ ապրանքներ: Սահմանելով այս միջոցները՝ Եվրամիությունն օգտվել Է իր իրավունքներից Առեւտրի համաշխարհային կազմակերպության նորմաների սահմաններում»,- հայտարարել Է Եվրահանձնաժողովը, հաղորդել Է ՏԱՍՍ-ը: