ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: Բելգիայի Անտվերպենի նավահանգստի մաքսային ծառայության աշխատողներն ավելի քան 954 կիլոգրամ հերոին են առգրավել Իրանից ժամանած նավը զննելիս: Այդ մասին, ինչպես տեղեկացնում Է «Արմենպրես»-ը, հայտնել Է քաղաքի դատախազության ներկայացուցիչ Քեն Վիտպասը:

«Սոդայով բեռնարկղի համակարգչային լուսագրության արդյունքում պարզվել Է 57 պարկերի առկայություն, որոնցից յուրաքանչյուրը պարունակել Է 15 կիլոգրամ հերոին, իսկ ընդամենը հայտնաբերվել Է 954,4 կիլոգրամ հերոին»,- ասել Է նա լրագրողներին:

Նրա խոսքով՝ դա հերոինի ամենամեծ ծավալներից մեկն Է, որն առգրավվել Է Անտվերպենի նավահանգստում: Բռնագրավված հերոինի արժեքը գնահատվում Է մոտավորապես 55 միլիոն եվրո: Կատարվող հետաքննության շրջանակներում արդեն ձերբակալվել են երկու կասկածյալներ, հայտնել Է դատախազության ներկայացուցիչը: Բելգիայի Անտվերպենի նավահանգիստն անվանում են Եվրոպայի կոկաինային «դարպասներ»:

Կոլումբիական կարտելների կողմից Եվրոպային մատակարարվող կոկաինի ծավալով Անտվերպենը 2016 թվականին առաջ Է անցել Նիդեռլանդների Ռոտերդամի եւ Գերմանիայի Համբուրգի ծովային տերմինալներից, հաղորդել Է ՌԻԱ Նովոստին: