CBS-ն պլանավորում Է ընդլայնել Star Trek ֆրանշիզան. Variety
ԵՐԵՎԱՆ, 20 ՀՈԻՆԻՍԻ, ԱՐՄԵՆՊՐԵՍ: CBS ամերիկյան հեռուստաընկերությունը պլանավորում Է Star Trek ֆրանշիզան ընդլայնել նոր նախագծերով: Այդ մասին, ինչպես տեղեկացնում Է «Արմենպրես»-ը, հունիսի 19-ին հայտնել Է Variety հանդեսը:
Նրա տվյալներով՝ հեռուստաընկերությունը հինգ տարի ժամկետով պարտավորագիր Է ստորագրել սցենարիստ եւ ռեժիսոր Ալեքս Կուրտցմանի հետ, որը Star Trek. Discovery սերիալի (2017 թվականից մինչ այժմ) ստեղծողն ու գործադիր պրոդյուսերն Է: Գործարքը նախատեսում Է հեռուստատեսության համար նոր սերիալների, մինի-սերիալների, ինչպես նաեւ անիմացիոն շոուների ստեղծում:
Ինչպես գրում Է հրատարակությունը, ներկայում հեռուստաընկերությունը հրաժարվում Է հաստատել որեւԷ կոնկրետ նախագծի վրա աշխատանքը:
Star Trek-ը ամերիկյան գիտաֆանտաստիկ ֆրանշիզա Է, որն ներառում Է սերիալներ, ֆիլմեր եւ համակարգչային խաղեր: Օրիգինալ սերիալի առաջին Էպիզոդը ցուցադրվել Է 1966 թվականին, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում