Կիմ Չեն Ունը եւ Սի Ցզինպինը քննարկել են Սինգապուրի գագաթնաժողովի արդյունքները
ԵՐԵՎԱՆ, 20 ՀՈՒՆԻՍԻ, ԱՐՄԵՆՊՐԵՍ: ՉԺՀ-ի նախագահ Սի Ցզինպինը ԿԺԴՀ-ի առաջնորդ Կիմ Չեն Ունի հետ Պեկինում կայացած հանդիպմանը հայտարարել Է Կորեական թերակղզու միջուկազերծման ուղղությամբ Փհենյանի ջանքերին «վճռական աջակցության» մասին: Ինչպես տեղեկացնում Է «Արմենպրես»-ը, այդ մասին հայտնել Է Կորեայի կենտրոնական հեռագրական գործակալությունը, հավելելով, որ «բանակցություններն անցել են ջերմ, անկեղծ ու բարեկամական մթնոլորտում»:
Կիմ Չեն ՈՒնը խոստացել Է Չինաստանի ղեկավարությանը, որ Փհենյանը մշտական կապ կպահպանի ՉԺՀ-ի ներկայացուցիչների հետ, որպեսզի «կայուն խաղաղություն ապահովի թերակղզու նոր ապագայի ձեւավորման գործընթացում»:
Ինչպես նշվում Է Չինաստանի ԱԳ նախարարության հաղորդագրության մեջ, Սի Ցզինպինը «հաճույքով Է հետեւում» ԿԺԴՀ-ի եւ ԱՄՆ-ի միջեւ պայմանավորվածությունների իրագործմանը եւ բարձր Է գնահատում Չինաստանի եւ Հյուսիսային Կորեայի «ռազմավարական շփումներն» ու ԿԺԴՀ-ի առաջնորդի ներկայիս այցը Պեկին, հաղորդել Է «Ինտերֆաքս»-ը:
Բաժանորդագրվեք մեր ալիքին Telegram-ում