Կարեն Ասրյանի հուշամրցաշարին կմասնակցեն 76 շախմատիստներ
16:52, 19 Հունիս 2018
ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Շախմատային օլիմպիադայի հաղթող Կարեն Ասրյանի հուշամրցաշարին կմասնակցեն 76 շախմատիստներ:
«Արմենպրես»-ի հաղորդմամբ` ավանդույթի համաձայն՝ այս տարի ևս մրցաշարը կանցկացվի Ջերմուկում: Մրցաշարին մասնակից ամենաբարձր վարկանիշն ունեցող մարզիկն է հնդիկ գրոսմայստեր Կրիշնա Հարիկրիշա (2666): Հայ գրոսմայստերներից բարձր վարկանիշ ունեցող շախմատիստներից մրցաշարին կմասնակցեն Հրանտ Մելքումյանը, Ռոբերտ Հովհաննիսյանը, Արման Փաշիկյանը և Զավեն Անդրիասյանը:
Կարեն Ասրյանի 11-րդ հուշամրցաշարը կմեկնարկի հունիսի 21-ի և կեզրափակվի հունիսի 29-ին: Այն կունենա 9 տուր:
Բաժանորդագրվեք մեր ալիքին Telegram-ում