Թուրք զինվորականները մտել են սիրիական Մանբիջ քաղաքի արվարձաններ
ԵՐԵՎԱՆ, 18 ՀՈԻՆԻՍԻ, ԱՐՄԵՆՊՐԵՍ: Թուրքիայի զինված ուժերի ստորաբաժանումները մտել են սիրիական Մանբիջ քաղաքի արվարձաններ՝ այդ տարածաշրջանում անվտանգության ապահովման վերաբերյալ ԱՄՆ-ի հետ ձեռք բերված պայմանավորվածությունների շրջանակներում:
Այդ մասին, ինչպես տեղեկացնում Է «Արմենպրես»-ը, հունիսի 18-ին հայտնել Է NTV հեռուստաալիքը՝ վկայակոչելով տեղական աղբյուրներ: Հեռուստաալիքը եթերում ցուցադրել Է Թուրքիայի դրոշներով ռազմական տեխնիկայի շարասյան լուսանկարը, որը կանգնած Է հարթավայրային տեղանքի ճանապարհներից մեկի վրա: Նշվում Է, որ թուրք զինվորականները մտել են «քաղաքի արվարձաններ»:
Թուրքիայի Գլխավոր շտաբը հունիսի 14-ին հայտնել Է, որ Թուրքիայի եւ ԱՄՆ-ի զինվորականները 12 – 13-ը Շտուտգարտում կայացած բանակցությունների ընթացքում համաձայնեցրել են Սիրիայի Մանբիջ քաղաքից քրդական խմբավորումների դուրսբերման հարցերի վերաբերյալ գործողությունների պլանը: Մինչ այդ, Թուրքիայի արտաքին գործերի նախարար Մեվլյութ Չավուշօղլուն հունիսի 4-ին Վաշինգտոնում բանակցություններ Է վարել ԱՄՆ-ի պետքարտուղար Մայքլ Փոմպեոյի հետ, որոնց ընթացքում կողմերը հավանություն են տվել Մանբիջից «Ժողովրդական ինքնապաշտպանության ուժերի» քրդական կազմավորումների հետքաշման ճանապարհային քարտեզին, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում