Ակումբային առաջնությունը կարելի է Բունդեսլիգայի օրինակով անցկացնել. Հայկ Մարտիրոսյան
ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: Հայաստանի շախմատի ակումբային առաջնության հաղթող Հայկ Մարտիրոսյանի կարծիքով, առավել ճիշտ կլինի առաջնությունն անցկացնել Բունդեսլիգայի օրինակով:
«Ավելի ճիշտ կլինի, որ ամիսը երկու տուր, երկու պարտիա խաղաինք: Այդ կերպ առաջնությունը կտևեր մեկ ամիս, կունենար ավելի մեծ հետաքրքրություն: Ակումբային առաջնությունը կարելի է Բունդեսլիգայի օրինակով անցկացնել: Այդ դեպքում շախմատիստներն ավելի շատ շախմատի մեջ կլինեն»,-«Արմենպրես»-ի մամուլի սրահում լրագրողների հետ հանդիպման ժամանակ ասաց Մարտիրոսյանը:
Վաստակած 14 միավորով «Chessify»-ն դարձավ Հայաստանի ակումբային առաջնության հաղթող: Առաջնությունում 2-րդ տեղը զբաղեցրեց Էջմիածնի «Լոգիկոնը», որը դարձել էր առաջնության կիսաեզրափակիչ փուլի հաղթող: 3-րդ տեղը 10 միավորով զբաղեցրեց Գրոսմայստերական դպրոցի թիմը:
Բաժանորդագրվեք մեր ալիքին Telegram-ում