Իտալիայում ՀՀ դեսպանը մասնակցել է Եվրասիական վեցերորդ սեմինարին
ԵՐԵՎԱՆ, 18 ՀՈՒՆԻՍԻ, ԱՐՄԵՆՊՐԵՍ: Իտալիայում ՀՀ դեսպան Վիկտորիա Բաղդասարյանը հունիսի 15-ին մասնակցեց «Ճանաչում ենք» Եվրասիական ասոցիացիայի նախաձեռնությամբ Հռոմում անցկացված Եվրասիական վեցերորդ սեմինարին: Այս մասին «Արմենպրես»-ին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից:
Սեմինարի օրակարգային թեմաները նվիրված էին Եվրասիական տնտեսական միության (ԵԱՏՄ) ռազմավարական դերին, ԵԱՏՄ միջազգային ինտեգրացիային, միջազգային կազմակերպությունների և ֆինանսական կառույցների հետ ԵԱՏՄ բազմակողմ համագործակցությանը:
Իր ելույթում դեսպան Բաղդասարյանը նշեց, որ հայտնի իրադարձություններից հետո Հայաստանը շարունակում է հավատարիմ մնալ իր ստանձնած միջազգային պարտավորություններին, այդ թվում՝ ԵԱՏՄ շրջանակներում: Դեսպանը նաև նարկայացրեց Հայաստան-ԵԱՏՄ համագործակցությունը, ՀՀ նախաձեռնությունները կառույցի շրջանակներում, արձանագրված ձեռքբերումները: Անդրադարձ կատարվեց հայ-իտալական առևտրատնտեսական հարաբերություններին:
Բաժանորդագրվեք մեր ալիքին Telegram-ում