Կալիֆորնիայում վերականգնել են էֆթանազիան
14:37, 16 Հունիս 2018
ԵՐԵՎԱՆ, 16 ՀՈՒՆԻՍԻ, ԱՐՄԵՆՊՐԵՍ: ԱՄՆ Կալիֆորնիա նահանգի վերաքննիչ դատարանը վերականգնել է օրենքը, որը թույլատրում է մահացու հիվանդ մարդկանց ենթարկել էֆթանազիայի: Ինչպես հաղորդում է «Արմենպրես»-ը, այս մասին հայտնում է LosAngeles Times-ը:
Օրենքը թույլատրում է հիվանդներին, ում ապրելու համար մնացել է ավելի քիչ, քան կես տարի, ընդունել մահացու դեղամիջոցներ:
«Որոշումը թեթևացում կբերի Կալիֆորնիայում բնակվող որոշ հիվանդների, նրանց ընտանիքների ու բժիշկների համար»,- հայտարարել է Կալիֆորնիայի գլխավոր դատախազը:
Էֆթանազիան ներկայում գործում է ԱՄՆ Վաշինգտոն, Օրեգոն, Կալիֆորնիա, Վերմոնտ, Մոնտանա, Կոլորադո, Հավայի նահանգներում:
Բաժանորդագրվեք մեր ալիքին Telegram-ում