Սաուդացի արքայազնը մի ամբողջ հարկ կզբաղեցնի Կրեմլի մերձակա հյուրանոցում
15:34, 14 Հունիս 2018
ԵՐԵՎԱՆ, 14 ՀՈՒՆԻՍԻ, ԱՐՄԵՆՊՐԵՍ: Սաուդյան Արաբիայի գահաժառանգ արքայազն Մուհամեդ իբն Սալման Ալ Սաուդը պատվիրակության հետ կզբաղեցնի Կրեմլի մերձակա Ritz Carlton հյուրանոցի ամբողջ 11-րդ հարկը: Այս մասին, ինչպես տեղեկացնում Է «Արմենպրես»-ը, հայտնել Է Daily Storm-ը:
Հրատարակության տեղեկատվությամբ՝ արքայազնը Ռուսաստան կժամանի ինը ինքնաթիռներով, իսկ նրա անվտանգությունը կհսկեն Կրեմլի եւ Պետդումայի՝ Պահպանության դաշնային ծառայության աշխատակիցները:
Աշխատակիցներին 11-րդ հարկի մուտքի համար կտան հատուկ անցագրեր: Ritz Carlton-ում չեն մեկնաբանել հյուրանոցում սաուդացի արքայազնի բնակեցման վերաբերյալ տեղեկատվությունը, հաղորդել Է ՏԱՍՍ-ը:
Բաժանորդագրվեք մեր ալիքին Telegram-ում