Ժամանակը Երևանում՝ 11:07:36,   23 Սեպտեմբեր

Ռուսական ռազմակայանի երիտասարդ օդաչուները վարժական թռիչքներ են սկսել Հայաստանի լեռներում


ԵՐԵՎԱՆ, 14 ՀՈԻՆԻՍԻ, ԱՐՄԵՆՊՐԵՍ: Հայաստանի ռուսական ռազմակայանի «Էրեբունի» ավիաբազայի օդաչուները՝ 2018 թվականի շրջանավարտները, Մի-8ՄՏՇ եւ Մի-24Պ ուղղաթիռներով վարժական թռիչքներ են իրականացնում Հայաստանի լեռներում:

Ինչպես «Արմենպրես»-ին տեղեկացրեցին ՌԴ Հարավային ռազմական օկրուգի մամուլի ծառայությունից, զորամիավորման բարձ որակավորում ունեցող հրահանգիչները մեկ ամսվա ընթացքում երիտասարդ սպաներին սովորեցնելու են ծայրահեղ շոգ եղանակի պայմաններում տրված երթուղիներով ինքնուրույն նավավարում իրականացնել բարձրլեռնային տեղանքում, տարբեր բարձրություններով ու արագություններով: Լեռնային տեղանքում նավավարման հատուկ պատրաստություն անցնելուց հետո ռուսական զորամիավորման երիտասարդ օդաչուները կսկսեն յուրացնել սահմանափակ չափերի բարձրլեռնային հարթակներում ուղղաթիռների վայրԷջքի հմտությունները:

Բարձրլեռնային տեղանքում տրված երթուղիներով թռիչքներին ներգրավված են ռազմակայանի թռիչքային եւ ինժեներատեխնիկական անձնակազմի շուրջ հարյուր զինծառայողներ եւ ավելի քան 20 միավոր հատուկ ռազմական ու ավիացիոն տեխնիկա:




Լրահոս

Բոլոր նորությունները    




Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]
Яндекс.Метрика
Էջի կարգավորումներ