Ադրբեջանը պատրաստվում է մեծացնել պաշտպանական ծախսերը
17:10, 13 Հունիս 2018
ԵՐԵՎԱՆ, 13 ՀՈՒՆԻՍԻ, ԱՐՄԵՆՊՐԵՍ: Ադրբեջանի իշխանությունները որոշել են պաշտպանական և անվտանգության ծախսերը 2 մլրդ 739 մլն մանաթից հասցնել 2 մլրդ 905 մլն մանաթի:
Այս մասին, ինչպես հաղորդում է «Արմենպրես»-ը, հայտնում է ադրբեջանական minval.az-ը:
Ադրբեջանի իշխանությունները նախատեսում են պաշտպանական ուժերի համար առանձնացված միջոցները 1 մլրդ 366 մլն մանաթից հասցնել 1 մլրդ 384 մլն մանաթի, ազգային անվտանգության ծախսերը՝ 111, 65 մլն մանաթից 130,38 մլն մանաթի:
Ադրբեջանի պետական բյուջեի 2018թ. պետական բյուջեի մասին օրենքի վերաբերյալ քննարկումները տեղի են ունենալու հունիսի 28-ին և 29-ին Ադրբեջանի մեջլիսի արտահերթ նիստերի ընթացքում:
Բաժանորդագրվեք մեր ալիքին Telegram-ում