1000х90.jpg (78 KB)

Երևանում՝ 11:07,   28 Մարտ 2024

Փաշինյանը ՀՔԾ ամենակարևոր գործերից մեկը համարում է մարտի 1-ի բացահայտումը

 Փաշինյանը ՀՔԾ ամենակարևոր գործերից մեկը համարում է մարտի 1-ի բացահայտումը

ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ: ՀՀ վարչապետ Նիկոլ Փաշինյանը Հատուկ քննչական ծառայության ամենակարևոր գործերից մեկը համարում է մարտի 1-ի ոճրագործության բացահայտումը: Ինչպես փոխանցում է «Արմենպրես»-ը, Փաշինյանն այդ մասին հայտարարեց ՀՔԾ նորանշանակ պետ Սասուն Խաչատրյանին ներկայացնելիս:

«Երբ ասում ենք չկան և գոյություն չունեն սահմանափակումներ, նկատի ունենք, որ չկան և գոյություն չունեն սահմանափակումներ։ Եվ եթե նախկինում եղել են այնպիսի գործեր, որոնք ինչ-ինչ քաղաքական, մերձքաղաքական պատճառներով կամ այլ օբյեկտիվ և սուբյեկտիվ պատճառներով առաջ չեն ընթացել, հույս ունեմ, որ քննիչները ՀՔԾ նոր պետի ղեկավարությամբ կանդրադառնան բոլոր այդ գործերին` Հայաստանում լիարժեք իրավակարգ ապահովելու նպատակներից ելնելով: Ամենակարևոր գործերից մեկը, որ պետք է անի Հատուկ քննչական ծառայությունը՝ մարտի 1-ի ոճրագործության բացահայտումն է», - ասաց Նիկոլ Փաշինյանը։

ՀՀ կառավարության հունիսի 8-ի որոշմամբ՝ Վահրամ Շահինյանն ազատվել է Հատուկ քննչական ծառայության պետի պաշտոնից: Նա հրաժարական ներկայացնելու մասին հայտարարել էր հունիսի 6-ին: Սասուն Խաչատրյանը ՀՔԾ պետ է նշանակվել հունիսի 11-ին:

 

 


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]