1000х90.jpg (78 KB)

Երևանում՝ 11:07,   28 Մարտ 2024

Նորատուսում կարկուտը վնասներ է հասցրել ցանքերին եւ պտղատու ծառերին

Նորատուսում կարկուտը վնասներ է հասցրել ցանքերին եւ պտղատու ծառերին

ԳԱՎԱՌ, 12 ՀՈՒՆԻՍԻ, ԱՐՄԵՆՊՐԵՍ: Գեղարքունիքի մարզի Նորատուս գյուղում հունիսի 11-ի երեկոյան մոտ կես ժամ տեղացած կարկուտը լուրջ վնասներ է հասցրել բանջարաբոստանային եւ հացահատիկային մշակաբույսերին ու պտղատու ծառերին:

Ինչպես «Արմենպրես»-ին տեղեկացրեց Նորատուս համայնքի ղեկավարի տեղակալ Վաչիկ Խաչատրյանը, վնասվել են համայնքի տնտեսությունների տնամերձ հողամասերի ցանքերը եւ բնակավայրից դուրս գտնվող հացահատիկի արտերն ու կերային մշակաբույսերը: «Սկզբից կարկուտը թափվեց ընկույզի մեծությամբ, հետո չափը փոքրացավ, փոքր -ինչ հանդարտվեց, սակայն կարճ ժամանակ անց կրկին ուժգնացավ: Կես ժամ տեւողության կարկուտը ջարդեց բույսերի ցողունները, ծառերի պտուղները: Վնասվել են մոտ 200 հեկտար տնամերձերի ցանքերը եւ պտուղները, մի քանի հարյուր հեկտար՝ հացահատիկային եւ կերային մշակաբույսեր»,-ներկայացրեց համայնքի ղեկավարի տեղակալը: Գյուղապետարանում ստեղծված հանձնաժողովը ճշգրտում է տնտեսություններին հասցված վնասների չափերը:

Խոսրով Խլղաթյան


Բաժանորդագրվեք մեր ալիքին Telegram-ում






youtube

AIM banner Website Ad Banner.jpg (235 KB)

Բոլոր նորությունները    


Digital-Card---250x295.jpg (26 KB)

12.png (9 KB)

Գործակալության մասին

Հասցե՝ Հայաստան, 0002, Երեւան, Սարյան փող 22, Արմենպրես
Հեռ.՝ +374 11 539818
Էլ-փոստ՝ [email protected]