ԵՐԵՎԱՆ, 12 ՀՈԻՆԻՍԻ, ԱՐՄԵՆՊՐԵՍ: ԱՄՆ-ում գործարկվել Է Summit նոր գերհամակարգիչը, որը հզորությամբ կրկնակի գերազանցում Է իր մրցակիցներին, տեղեկացնում Է «Արմենպրես»-ը՝ հղում անելով BBC-ին:

Այդ հաշվողական մեքենայի արտադրողականությունը հասնում Է 200 պետաֆլոպսի կամ վայրկյանում 200 տրլն գործողության:

Sunway Taihu Light չինական գերհամակարգիչը, որը մինչ այդ ամենահզորն Էր համարվում աշխարհում, ունի 93 պետաֆլոպս հաշվողական հզորություն: Summit-ն աշխատելու Է ամենից առաջ աստղաֆիզիկայի, քաղցկեղի հետազոտությունների եւ կենսաբանության ոլորտում:

Գերհամակարգիչը գտնվում Է Թենեսիի նահանգի Օք-Ռիջ ազգային լաբորատորիայում: Այն համատեղ մշակել են IBM ընկերությունը եւ NVIDIA գրաֆիկական պրոցեսորների արտադրողը: Summit գերհամակարգիչը բաղկացած Է 4608 սերվերից եւ օժտված Է ավելի քան տասը պետաբայթ օպերատիվ հիշողությամբ: Դրա մշակումը արժեցել Է մոտավորապես 200 մլն դոլար: