ԵՐԵՎԱՆ, 8 ՀՈՒՆԻՍԻ, ԱՐՄԵՆՊՐԵՍ: Ֆուտբոլի Իսպանիայի ազգային թիմը ժամանեց Ռուսաստան:

«Արմենպրես»-ի հաղորդմամբ` Իսպանիայի հավաքականը ժամանել է Կրասնոդար, որտեղ տեղակայված է աշխարհի նախկին չեմպիոնների մարզաբազան: Թիմը կապրի և կմարզվի «Կրասնոդար» թիմի բազայում և դաշտերում:

Ֆուտբոլի Իսպանիայի հավաքականն աշխարհի այս առաջնությունում ընդգրկված է B խմբում և կմրցի Պորտուգալիայի, Մարոկկոյի և Իրանի թիմերի հետ:

Մինչ այս Ռուսաստան էին ժամանել նաև Իրանի և Պանամայի հավաքականները:

«Մունդիալ-2018»-ը կընդունի Ռուսաստանը: Աշխարհի առաջնության խաղերը հյուրընկալող բոլոր 12 քաղաքներում կանցկացվեն տոնական միջոցառումներ: Առաջնությունը կմեկնարկի հունիսի 14-ին, իսկ եզրափակիչ հանդիպումը կկայանա հուլիսի 15-ին: Խաղերը կընդունի 12 մարզադաշտ Մոսկվայում, Սանկտ-Պետերբուրգում, Կազանում, Եկատերինբուրգում, Սարանսկում, Սոչիում, Սամարայում, Դոնի Ռոստովում, Կալինինգրադում, Նիժնի Նովգորոդում, Վոլգոգրադում: Կիսաեզրափակիչ երկու հանդիպումները կկայանան Սանկտ-Պետերբուրգում և Մոսկվայում: